ເພີ່ມພູນຄູນສ້າງ ແລະ ພັດທະນາ ການພົວພັນຫວຽດນາມ-ກຳປູເຈຍ
ວິທະຍຸກະຈາຍສຽງຫວຽດນາມລາຍງານໃຫ້ຮູ້ໃນວັນທີ 24 ມິຖຸນາ 2024 ນີ້ວ່າ: ເນື່ອງໃນໂອກາດສະເຫຼີມສະຫຼອງ 57 ປີ ແຫ່ງວັນສ້າງ
ຕັ້ງການພົວພັນທາງການທູດ ຫວຽດນາມ-ກຳປູເຈຍ (24/06/1967-24/06/2024).
ດ້ວຍຈຸດທີ່ຄ້າຍຄືກັນຫຼາຍຢ່າງ, ໃນຕະຫຼອດ 57 ປີຜ່ານມາ, ຫວຽດນາມ ແລະ ກຳປູເຈຍ ຍາມໃດກໍ່ສະໜິດຕິດພັນ, ແບ່ງປັນ, ຊ່ວຍເຫຼືອ
ເຊິ່ງກັນ ແລະ ກັນ ໃນພາລະກິດແຫ່ງການຕໍ່ສູ້ປົດປ່ອຍຊາດ, ທ້ອນໂຮມປະເທດຊາດເປັນເອກະລາດໃນເມື່ອກອນ ກໍຄືໃນພາລະກິດແຫ່ງການ
ສ້າງສາ ແລະ ປົກປັກຮັກສາປະເທດຊາດໃນປັດຈຸບັນ. ການນຳພັກ, ລັດ, ຫວຽດນາມ ແລະ ກຳປູເຈຍ ໄດ້ກຳນົດການພົວພັນທາງດ້ານການເມືອງ-
ການຕ່າງປະເທດ ສວມບົດບາດຫຼັກແຫຼ່ງ, ກຳນົດທິດສັງລວມໃຫ້ແກ່ການພົວພັນສອງປະເທດ. ສອງຝ່າຍ ໄດ້ຮັກສາ ແລະ ເສີມຂະຫຍາຍ ບັນ
ດາກົນໄກຮ່ວມມືຢ່າງມີປະສິດທິຜົນ ຜ່ານການ ເພີ່ມທະວີການແລກປ່ຽນບັນດາການຢ້ຽມຢາມ, ການພົບປະລະຫວ່າງການນຳຂັ້ນສູງ ແລະ ທຸກ
ຂັ້ນ, ລົງນາມໃນເອກະສານຮ່ວມມືຫຼາຍສະບັບ ເພື່ອເປັນພື້ນຖານໃຫ້ແກ່ການພັດທະນາການຮ່ວມມືຢ່າງຮອບດ້ານລະຫວ່າງສອງປະເທດ.
ໃນບັນດາເວທີປາໄສສາກົນ, ພາກພື້ນ ແລະ ອະນຸພາກພື້ນ, ສອງປະເທດ ໄດ້ສົມທົບກັນຢ່າງແໜ້ນແຟ້ນ, ປະກອບສ່ວນຢ່າງຕັ້ງໜ້າເຂົ້າໃນ
ຂະບວນການຮັກສາສັນຕິພາບ, ສະຖຽນລະພາບ ແລະ ການຮ່ວມມືໃນພາກພື້ນ ແລະ ໂລກ, ພ້ອມທັງປະກອບສ່ວນຍົກສູງອິດທິພົນຊື່ສຽງ ແລະ
ທີ່ຕັ້ງບົດບາດຂອງແຕ່ລະປະເທດບົນເວທີສາກົນ.
ແຫຼ່ງທີ່ມາ: ໜັງສືພິມກອງທັບ
ວັນທີ 27/06/2024